Хайртай байсан
Хайртай гэж хэлдэг байсан чи надад
Хамгаас илүү гэж ярьдаг байсан чи надад
Хэзээ ч орхихгүй гэж амлаж байсан
Хэнтэй ч биш зөвхөн надтай хамт гэж хэлж байсан
Чамтай байхад сайхан жаргалтай байсан хэдий ч
Чамаас салан холдоход үнэхээр хэцүү байсан
Чангаас чанга тэврээд үнсмээр санагдаж байсан
Чихэнд чинь хайрын үгсээ шивнэмээр байсан
Тэгэхэд би дэгдээхэй байж дээ төөрсөн шувуу мэт алга болжээ
Чи надаас нэг мөсөн холдон одож дээ
Ахиад ирэхгүй гээд салан холдож дээ
Анхны дурлал минь үүрд баяртай
Мөрөөдлөөр жигүүрлэсэн хүүхэд насандаа чамтай учирсан
Мөнгөн хонхны баяраар хоёр тийш болсон
Аз жаргалаар дүүрэн он жилүүддээ чамтай танилцсан
Ангидаа эргээд суухгүйн адил анд минь надаас салсан
Тэргэл саран тэнгэрт гийсэн Жихүүнц гэсэн сайхан өдөр байсан
Тэртээд харагдах үүлсийг ширтээд
Чинийхээ мөрийг дэрлэсэн байсан Бид хоёр сайхан байсан
Тохирох хосууд мэт жаргалтай байсан
Бие биендээ хайртай байсан
Битүүхэн дотроо хайрладаг байсан
Салан холдоно гэж бодоогүй,
чи надаас Сар нар эргэсэн ч хамт байна гэж бодсон
Газар тэнгэр доргисон ч үүрд хамт байхыг хүснэ
Хайртай байсан юм шүү ойлгоорой намайг
Хамаг зүрх сэтгэлээ зориулдаг байсан юм шүү чамд
Энэ хорвоогийн хамгийн аз жаргалтай хүн гэж өөрийгөө хөөргөн
Эргэх орчлонд зөвхөн чамдаа хайртай байсан
Одоо ингээд би гав ганцаараа амьдралыг туулна
Наран гийсэн халуун ч гэсэн сайхан өдөр байсан
Наадаж тоглоод жаргалтай байсан хоёулаа
Дандаа чамтайгаа хамтдаа баймаар байна
Дэндүү дасаж дээ чамд хэзээ ч салмааргүй байна
Салхи салхилсан хүйтэн ч гэсэн сайхан шөнө байсан
Санаж бодох зүйлгүй чамтайгаа хамт жаргалтай байсан
Холдож байсан бие биенээсээ нэг л мэдэхэд
Ховорхон байсан чамтай учирсан учрал минь
Хатуу байсан чамд гомдсон сэтгэл минь
Гашуун байсан урсах нулимсны минь дусал
Бүлээн байсан чамайг гэх зүрх минь
Хэцүү байсан чамаас холдон одоход
Хатуу байсан энэ амьдрал Уйтгартай байсан чамгүйгээр
Уулзмаар байсан чамайг санах тэр бүх агшинд
Уйлмаар байсан чамайг хүлээх тэр бүх хоромд
Чи минь хэзээ ч ирэхгүй байх гэж айж байсан би чинь
Чимээгүй дотроо шаналж байсан сэтгэл минь эзгүйрээд
Битүүхэндээ чамайг хардаж сэрдэж тунидаг байсан
Эргээд ирнэ гэж өдөр шөнөгүй хүлээдэг байсан
Хайртай гэж хэлж амжаагүй байхад орхиод одсон
Хайртай байсан юм шүү гэж дараа нь дотроо ухаарсан
Тэгэхэд чи шувуу байсан, нуураа орхиод явсан
Намайг мартан амьдралаа хөөгөөд салахаар шийдсэн
Ухаарч амжаагүй байж дээ би чамд хайртай байсан
Эртхэн хэлдэг байж дээ сүүлд нь харамсаж байна
Хайр сэтгэлээ алдсандаа харамсаж байна
Хорвоо дэлхийд цор ганцаараа гэхээс айж байна
Харин тэр ганцаардлаас хэзээ ч гарахгүй нь гэхээс айж байна ,би
